黎到行程的第六天，預定的行程包括上野恩賜公園的第61回上野櫻花祭，當日1000-2000時有青空之骨董市，1730-2000有light up，除此以外，還有六義園夜櫻(駒込駅步行7分鐘就到)，又或者曾精心規劃的花小金井周遊，就係先乘車到花小金井駅，然後遊覽都立小金井公園和江戶東京建物園，之後到西松屋小金井綠町店，跟著轉戰Akachan武藏小金井Itoyokado店，最後從武藏小金井駅回東京山手線圈。行程預算中，從花小金井到武藏小金井的直接距離步程約1小時，邊行邊玩可以玩半天，其中最想去玩的是在都立小金井公園內的滑草坡呢(六、七月間去，在都立小金井公園前有日本首間Blueberry園呢)！
不過，想多無謂，行動最實際，而呢個實際的行動呢，就係執行李！Sure唔係睇錯機票又或者有咩急事要閃，係東橫池北2只book到五晚，今天要離開差點以為鬧鬼了的627號房。唔舒服果個食左藥都精神哂。由於這個周末是日本的long weekend(星期六日加星期一的春分之日三連休)，四處的酒店都很爆滿，之前一直在找尋落腳點的爸爸，在臨出發前落實了這個從未踏足之地(查實大家坐山手線都必定經過，識讀個中文名唔難，但好多人都唔會識果個日文名，即使列車車長講完你都未必跟到；而佢所在呢，查實就係大家好熟悉的地方——o既隔離，呢個就係うぐいすだに(Uguisudani) — 鶯谷，位處於山手線上野駅與日暮里駅之間的車站。
由10時正checkout東橫池北2，再取道池袋駅西口的電梯進入地下街入閘(北口只有樓梯啊！)，乘山手線往鶯谷進發！出站後經橫跨多線鐵道的陸橋到另一邊，眼望前方不遠就是東橫鶯谷站駅前店，可惜過完橋要落天橋，對於大移動和有BB車的人實在很不方便；沒大行李和BB車的話，這裡很算很方便，幾分鐘就到車站了。
由於計算埋之前5晚住宿同埋之前的積分，今日夠10次住宿可以換取東橫免費單人房一晚，只要付出差價，便加以住上單人房以外的房間，所以是日住宿費只是1050yen，正係食一餐飯都唔夠！不過換領過程都幾有趣，在櫃枱呈上會員證，然後告之會claim免費住宿，櫃枱職員只需按電腦就可確認，然後會送上一張註明為Free Accommodation Voucher的咭請簽名(之前要等郵寄來一張換領證，算起來咁多年即係住了20次以上的東橫Inn囉！)，不過因為即用，所以簽完名就比職員收起了，好在快拍了一張相做紀念o者！
寄存了行李又再出發了，一家三口除了有人早餐吃了枝奶，肚空空的父母決定盡快出發搵食去是也！那裡去呢，最就近的係上野恩賜公園喇！再次踏上陸橋回到鶯谷站，旁邊的南口行前些少就是上野公園範圍喇！多行幾步，就是東京國立博物館，然後是國立科學博物館，接著就係1000yen的野口醫生銅像了！
對於上野公園，爸媽都來了多次日本，原來只得媽媽第一次來曾經到過，爸爸呢，更破紀錄一次也沒有進入，不過紙/網上遊覽經驗豐富的爸爸，已經將目標地set好，就係......精養軒(對於爸爸而言，可說是聞名已久)。未夠12點去到已經有條人龍，原來是到Grill Fukishima，而且是包場的，職員指點到另一邊，原來是Caferant Le Landaulet，等了一陣位就可以入坐了，雖然不是最正的露天茶座位，但都只是隔了片玻璃的內廳位。點了個粟米湯、ハヤシライス和ナポリタン，味道算ok啦，埋單承惠3250yen。
吃完brunch，跟著是隨意活動。隨意之間，竟然行到去一個名為上野兒童園，這可不得了！有人話要玩呢個、玩果個，要買票啊！幾個小型的機動遊戲，大致上是大人玩要1張票，小朋友玩1張，咁即係玩一個就要花2張票。而每張票100yen，500yen就有六張。滾水淥腳買了500yen的票，即刻有人要玩飛行船，媽媽陪玩，爸爸就係地下影相。之不過呢，這一邊正櫻花承開，感覺又很愉快呢！無論是櫻花樹上高度玩緊的，抑或是櫻花樹下影相的。然之後還玩了3個機動遊戲(最終還要多買200yen票)，查實有人仲未盡興，但都玩左幾耐再加上時候不早，又到食藥時間了！小休片刻吧！
找個地方上洗手間，然後吃藥，啊！對面不就是上野動物園吧！爸爸的快閃記憶體開動，今日係開園記念日無料入場呀！這就省下1200yen了！(除此以外，5月4日綠之日和10月1日都民之日都是無料入場)但免費野，人也當然不少，看過小熊貓、企鵝、北極熊、大象等等(下午也頗熱，有些動物如老虎都躲了起來喇！)，時間也快3點鐘了，終於有人睡著了，爸媽也樂得吃個軟雪榚休息一下。
還有半天，做甚麼好呢？去得太遠又不太好，始終有個病病地的小朋友，於是決定翻叮錦糸町的Akachan，但又想試去下另一家叫西松屋的，因為未去過，想睇下有沒有別的款式東西合溍溍。可是，爸爸手上只有小金井綠町店的地圖，錦糸町那邊的，爸爸只記得之前在網上查看時，應是離錦糸町不遠的叫甚麼島的地方......於是呢，列車到錦糸町沒有下車，再多搭一站到龜戶才下車，因爸爸打算下車問路去！可以一出站找著途人師奶A，正想她帶著兩個小孩應該會知係邊喇！點知....."駝柯兒呢！"、"摵枝話，咖哩勿send"，oh...no... (註：廣東話即係好遠喎！唔識路點去喎！) 唔信邪再去問埋站前交番的警察，又係"駝柯兒呢！"，咁唯有算吧喇！由於剛才從錦糸町到龜戶的鐵道感覺上也很直，又應該不太遠，於是決定行過去。先逛了龜戶駅直結的商場，內裡有Uniqlo，街坊商場的果真幾街坊feel；途中逛下藥局，仲有超市，買了些尊馬油，還有些藥品，仲有些草莓、王林蘋果和富士蘋果，不足大半小時就到達錦糸町了！
時候不早，先上Arakit 10階晚飯(即是行程第一晚的那樓層)，今次選了間叫永坂更科晚飯。吃完就到Akachan再拚過(爸爸獲准到樓下書店先逛一輪才去Akachan，不過沒有收穫)，埋單算帳，今天只在Akachan消費了不足10000yen。
明天要回家了，今天也要早點回去執行李(先一晚搬酒店只算是塞行李，今日要認真執)，在千葉線的月台上，強風影響班次的告示亮起，等了一陣子才有列車到達，幸最後都未夠九點就回到鶯谷的東橫Inn了。取匙上房，今晚是805號房，沖完涼又到吃草莓和水果時段，100yen的王林蘋果，味道真的麻麻，果真一分錢一分貨！
有人又食又跳，明天上機回家，沒問題囉！
沒有留言:
張貼留言